Verein

D Muettersproch-Gsellschaft Gruppe Wiesetal isch e Regionalgruppe vo de
Muettersproch Gsellschaft Verein für alemannische Sprache e. V.
mit Sitz z Friburg.

De Hauptverein chönne Ihr unter

www.alemannisch.de

finde. Dört finde Si au Informatione vo alle andere Regionalgruppe.

Zu de Gruppe Wiesetal ghört s chlai, s mittler un s hinter Wiesetal, also so ungfähr vo Todtnau bis uf Steine.

Entwicklig vom Verein aktuell bis zruck zu de Gründig:

2011

De bisherigi Gruppeleiter Fritz Brutschin un de Schriftführer Hans O. Steiger stelle sich nümmi zur Wiederwahl zur Verfügig.

Gruppeleiteri, Schriftführeri un Pressewart isch jetz di bisherigi Schatzmeisteri Heidi Zöllner.
D Gerlinde Gerspach isch jetz Schatzmeisteri.
D Beisitzerinne Gertrud Oettle, Helga Schmieg un Helga Schrank nämme de Gruppeleiteri e Huffe Arbet ab, wie dekoriere, Gläser wäsche, Tisch decke un abruume, für Getränke un Hefizopf sorge.
Durch de Umbau vom Hebelhüüsli hät d Gruppe Wiesetal vo Mitti 2009 bis im April 2011 ihri Gruppeobe im evangelische Pfarrsaal abghalte. Viile Dank an dere Stell an d Frau Pfarrer Bühler un di evangelischi Kirchegmai, dass mir e so problemlos un unbürokratisch bi Euch Zueflucht gfunde hän.

2002

De bisherigi Gruppeleiter Walter Olschowka git us gsundheitliche Gründ si Amt als Gruppeleiter ab. Neue Gruppeleiter wird de Fritz Brutschin us Enkestein. De Fritz hät d Tradition vo zeh Gruppe-Obe im Johr furtgsetzt un hät in sinere Amtszit viili neui Mitglieder gworbe.

1996

Weil de Gruppeleiter Ernst Kellmayer verstorbe isch, muess d Gruppe Wiesetal en neue Gruppeleiter sueche. Im Walter Olschowka us Huuse hän si deno au en rührige Gruppeleiter gfunde. Er suecht für d Gruppe Wiesetal e Heimet un findet die deno au im Hebelhüüsli z Huuse.
Devor sin die Treffe in verschidene Schopfemer Gasthüüser gsi.
De Walter hät sich au zum Ziel gsetzt, us de eher sporatische Treffe regelmäßigi monatlichi Treffe z mache un so finde jetz fast alli Monet, immer am 3. Donnstig, Gruppe-Obe statt.

1994

D Gruppeleiteri Roswitha Blümle git ihre Amt ab un de Ernst Kellmayer wird neue Gruppeleiter.

1980

Am 23.10.1980 isch d Schopfe d Gründigsversammlig vo de Muettersproch-Gsellschaft Gruppe Wiesetal gsi. Di ersti Gruppeleiteri isch d Frau Roswitha Blümle gsi.