Aktuellis‎ > ‎

Johr 2015

Muettersproch-Obe
10.12.2015
S isch en gmüetliche Johresabschluss 2015 gsi. Vo de Dekoration über d Gschichte vo de verschiedene Autore bis zu de unglaublich große Uswahl an Zuckerbrötli, hät eifach alles gstimmt für en schöne Johresabschluss.
Herzliche Dank an alli wo zum Glinge vo dem schöne Obe bitrage hän un an di treue Bsuecher vo unse Obe.
I wünsch alle bsinnlichi Weihnachtsdäg un alles Guete fürs Johr 2016.

Vorschau
S Johr 2015 bschließe mir au des Johr wieder mit em Zuckerbrötli-Obe am 10.12.. Im adventlich gschmückte Hebelhuus cha jede, wo will, e Gschicht mitbringe un vorlese. S git sicher au wieder leckeri Kostbarkeite vo de verschiedene Weihnachtsbäckerinne.
Wer Öbbis vorlese mag, sott sich bi de Gruppeleiteri Heidi Zöllner unter de Telefonnummere 07622/1631 melde.

Trefflicher Beobachter mit Humor (veröffentlicht am Do, 26. November 2015 auf badische-zeitung.de)

Muettersproch-Obe
19.11.2015

De Reinhard Geugelin hät uns e wunderbari Mischig vo bsinnliche, kritische un luschtige Gedicht mitbrocht. S isch en richtig schöne, gmüetliche Herbschtobe gsi im vollbsetzte Hebelhüüsli. D Lüt sin no lang hocke bliebe un so sin mir in Gnuss vo e paar Zuegabe cho.








Vorschau
am 19.11.2015 chunnt de Reinhard Geugelin zu uns ins Hebelhuus. Er wird uns Gschichte un Gedicht passend zur herbschtliche Johreszit lese.



Im Oktober hän de Jeannot un de Christian Weißenberger, besser bekannt als „Knastbrüder“, mit ihre Lieder e gueti Stimmig ins Hebelhüüsli brocht. D Zuehörer hän au Wünsch üssere  dürfe

Ob s Lied über „Bölle“, „S Asal-Müllers Schimmel“ oder Doddeliwädder, sin alli Wünsch erfüllt worde. Ohni e paar Zuegabe hän d Zuehörer die zwei Sänger nit goh lo.





Vorschau
am 15.10.2015 chömme de Jeannot un de Christian Weißenberger zu uns in Hebelhuus, besser bekannt unter em Name "Knastbrüder". Si spiele Gitarre un singe wie de Schnabel gwachse isch. Wer si eimol ghört hät, nimmt di längschte Afahrtsweg in Chauf um si immer wieder z höre.

Gut beobachtete Wortkunststücke (veröffentlicht am Mi, 23. September 2015 auf badische-zeitung.de)

Muettersproch-Obe
17.09.2015
S isch scho bald e rechti Druckete gsi im Hebelhüüsli. De Adolf Ückert un de Alfred Bühler hän de Obe mit Musik eröffnet. D Heidi Zöllner hät einigi Gschichte un Gedicht glese bevor deno d Magdalena Debes, de Benedikt Debes, de Armin Zöllner un d Heidi Zöllner de Sketch "S Schätzeli", wo au d Heidi Zöllner gschriebe hät,  gspielt hän. Di Mitwirkende hän sich gfreut über di viile spontane Glückwünsch zum glungene Obe.

Vorschau
am 17.9. liest d Heidi Zöllner eigeni Gedicht un Gschichte. Si hät 2013 bim Mundartwettbewerb Lahrer Murre de 2. Priis gwunne un isch 2014 unter de Priisträger vom Landschreiberwettbewerb gsi. Bim Sketch "S Schätzeli" wo au us ihre Federe stammt, werde d Magdalena un de Benedikt Debes sowie si selber un ihre Ma Armin mitwirke. De Adolf Ückert un de Alfred Bühler werde d Zuhörer mit Musikiilage unterhalte.

CD mit alemannischen Geschichten für Kinder (veröffentlicht am Mo, 20. Juli 2015 auf badische-zeitung.de)



Muettersproch-Obe
16.07.2015

D Christiane un de Jürgen Hack als Gäscht un de Obe wird richtig guet. Was d Christiane als Schmittie vo de Kass alles z berichte gha hät, isch unglaublich, vo de ungeduldige Chunde übers s chlai Maideli wo plötzlich Angscht um ihre Schleckiis hät über Chunde mit "Gschmäckli". De Jürgen hät mit sine Lieder d Lüt mitgrisse. S isch nit lang gange bis alli probiert hän bim Refrain mit z singe.


Vorschau
Am 16.7.2015 chömme d Christiane un de Jürgen Hack vo Friburg zu uns in Hebelhüüsli. D Christiane chenne viili als "Schmittie vo de Kass" un de Jürgen vo de "Die Bächle-Sörfer". D Text vo dene Beide entstöhn meischtens us Sitiuatione, wenn si de Lüt ufs Muul luege.

Die "gescheiten Sechziger" (veröffentlicht am Mi, 01. Juli 2015 auf badische-zeitung.de)

Muettersproch-Obe
18.06.2015

Vom Früehlig über kuriosi Sache us de Zittig bis zu Erinnerige was früiher alles anderscht gsi isch, hät uns d Inge Wacker in greimter Form luschtigi Sache verzellt.





Vorschau
am 18.6.2015 liest d Inge Wacker us de Langenau , kai Unbekannti im Hebelhuus, Neuis un Bekanntis us ihrem riichhaltige Schatz an Gedicht. De Iitritt isch, wie immer, frei.

"Wir leben auch in der Sprache" (veröffentlicht am Mo, 01. Juni 2015 17:46 Uhr auf badische-zeitung.de)

Muettersproch-Obe
21.05.2015
De Hebelpriisträger vo 2014, de Franz Hohler isch eifach unvergliichlich. Ob er uf Berndütsch, Rätoromanisch, Alemannisch oder uf Hochdütsch verzellt, er verstohts si Publikum z unterhalte. Vo de Erklärig wie d Berg in d Schwyz cho sin, wo er uf Holländisch verzellt hät (un trotzdem häns alli verstande), über e Übersetzig vo me Beatles-Song, de Kennzeiche, wenn er merkt, dass er wieder in de Heimet isch, Chinderlieder un chleine Usschnitt us sine zahlriiche Büecher, hät er e abwechslungriichis Programm botte. So isch es kai Wunder gsi, dass mir im ganze Hebelhuus alles was halbwegs zum anehocke z bruuche gsi isch, hän müesse zämmesueche. So groß isch de Andrang gsi.


Vorschau

am 21.5.2015 chunnt de Hebelpriisträger us em Johr 2014, de Franz Hohler us de Schwyz zu uns ins Hebelhuus. Bi uns im Ecke chenne ihn viili Lüt us em Schwyzer Radio un au vo viile Lesige. Er schribt usser Büecher, Chinderbüecher, Kabarettprogramm, Theaterstückli, Text für Film- un Fernsehsendige au Text für Hörbüecher un no viilis meh. Er hät für sine über 100 Werk scho zahlriichi nationali un internationali Priis un Uszeichnige kriegt.


Heiteres aus dem Alltag (veröffentlicht am Di, 21. April 2015 auf badische-zeitung.de)

Muettersproch-Obe
16.04.2015

Sit sim letschte Bsuech bi uns hät de Markus Manfred Jung vier neui Büecher usebrocht, Er hät d "Häslischuel" un de "Max un Moritz" ins Alemannischi übersetzt, e neu Prosa Büechli "Gopaloni" un en Gedicht- un Bildband unter em Titel "Schatten aus Licht" usebrocht. Mir hän s Vergnüege gha, dass er uns us alle e Choschtprob glese hät. S isch e so guet acho bi de Zuehörer, dass er mer ihn nit ohni e paar Zuegabe goh lo hän. 




Vorschau

Am 16.04.2015 chunnt de Markus Manfred Jung ins Hebelhuus. Er schribt alemannischi Glosse, Satire, Gedicht un Gschichte un er hät scho e Huffe Büecher veröffentlicht, Theaterstückli gschriebe, wo u. a. vo de Freiliechtbühni Klausehof z Herrischried ufgführt worde sin. Er isch Mitbegründer un Lektor vom Drey Verlag. Für sini Arbete hät er sit 1981 zahlriichi nationali un internationali Uszeichnige kriegt, so au 2013 d Hebelplakette.


Hütebub, Bademeister, Drucker und Rektor (veröffentlicht am Mi, 01. April 2015 auf badische-zeitung.de)

Ein Abend zur Erinnerung an Roland Lederle... (veröffentlicht am 24. März 2015 auf verlagshaus-jaumann.de) 

Muettersproch-Obe
19.03.2015


D Heidi Zöllner hät us em Lebe vom Roland Lederle berichtet un d Gerlinde Gerspach, de Gertrud Oettle, d Helga Schmieg un d Helga Schrank hän Gedicht un Gschichte vom Roland Lederle glese. Für die, wo ihn gchennt hän, isch s e Aregig gsi wieder emol an die Zit mit ihm zruck z denke un die wo ihn nit gchennt hän, hän en schaffige, umtribige Ma chenneglehrt.

Vorschau

am 19.03.2015 lade mir zum Erinnerigsobe an de Roland Lederle i. Mir verzelle us sim Lebe un lese us sine Büecher.


Muettersproch-Obe
19.02.2015

De offizieli Teil isch, wie mer s gwöhnt sin, recht bal erledigt gsi. So hät de Siegfried Schmieg, unterstützt vo sinere Frau Helga, scho vor de Paus chönne vo de Alemannische Anekdote, wo er zämmedrait gha hät, vorlese. Sin wirklich glatti Sache gsi, wie sell wo s dere Frau mit de igebildete Berlineri z dumm worde isch un si ihre erklärt hät, dass mir au im Alemannische unterscheide ob eini e Gans isch oder ißt. Au sini eigene alemannische Gedicht hän immer e unerwarteti luschtigi Wendig gha.





Vorschau
Am 19.02.2015 lade mir zu de Mitgliederversammlig vo unsere Gruppe i. Noch em offizielle Teil s sin des Johr keini Wahle, wird de Siegfried Schmieg Alemannischi Anekdote lese.