Aktuellis‎ > ‎

Johr 2014

"Da kaasch nix mache..." (veröffentlicht am Mo, 15. Dezember 2014 auf badische-zeitung.de) 

Muettersproch-Obe
11.12.2014
Mit em Zuckerbrötli-Obe hän mir s Johr 2014 abgschlosse. Es isch en wunderschöne un fröhliche Obe gsi mit em Stefan Pflaum. Er häts verstande, dass bi de erschte Gschicht de Funke scho übereregsprunge isch. Mer hät grad gmeint mer isch au uf em Märkt, wenn er verzellt hät, wie s sellere Frau gange isch, wo ihri Kundin gfrogt hät: " Welle Sie e Gucke haa?" oder uf de Bauschtell wo de Muschtafa bschlosse hät, dass er jetz heimgoht, weil er de Vorarbeiter nit verschtande hät. Ob Gschichte, Gedicht oder Lieder, s Publikum isch begeischteret gsi. Ohni Zuegab hän mir de Stefan Pflaum nit Fiirobe mache lo.


Vorschau

Au des Johr beende mir wieder mit em Zuckerbrötli-Obe. De Stefan Pflaum vo Schallstadt-Wolfenweiler wird für uns lese, singe un musiziere. Er isch bekannt us SWR Sendige, de Mundart-Werkstatt un vo viile Lesige bi Museumsdag. 2008 hät er de Regio-Priis vo de Europäische Kulturstiftig un 2011 d Hebel-Medaille vo de Muettersproch-Gsellschaft Singe kriegt.
Muettersproch-Obe
20.11.2014

D Relinda Schmidt hät uns mit Gedicht us ihre Büechli, die so aktuell sin, wie wenn si's erscht geschtern gschriebe gha hät, beschtens unterhalte. Mir hän uns au bsunders gfreut, dass e paar Muetterspröchler vo de Gruppe Hochrhi-Hotzewald zu uns cho sin. Dört isch d Relinde Schmidt di erschti Gruppeleiteri gsi.






Vorschau
Am 20.11.2014 chunnt d Relinda Schmidt vo Wehr zu uns ins Hebelhüüsli. D Relinda Schmidt isch vo de Gruppe Hochrhi-Hotzewald di erschti Gruppeleiteri gsi. Si hät au zwei Büechli gschriebe "Vo Herze" un "Sunneschii un Stürm" us dene si unter anderem lese wird.


Alemannisch zum Mitdenken (veröffentlicht am Di, 21. Oktober 2014 auf badische-zeitung.de)
Muettersproch-Obe
16.10.2014

De Günther Wenk hät uns d Schönheit vo de Natur nöcherbrocht. Er häts wunderbar verstande mit Wörter Bilder mole. Uf was für Gedanke mer in ere Vollmondnacht cho cha, hät meng eine an di eigene schloflose Nächt erinneret. Dezwüsche hät de Adolf Ückert uf em Akkordeon alti Volkslieder gspielt zu dene mir gern mitgsunge hän.


Herzliche Glückwunsch an d Priisträger vo de disjährige Lahrer Murre.

Vorschau
am 16.10.2014 chunnt de Günther Wenk vo Muulburg ins Hebelhuus. Er wird us sine Gedichtbändli „So cha me s au sage“, „E goldig Nüteli“, „Mit Wörter Bilder mole“ un „Mitem Bau uf Du un Du“ lese. De Adolf Ückertvo Huuse spielt dezwüsche uf em Akkordeon e paar Volkslieder. Wer will, darf gern mitsinge. 


Geschichten auf Baseldütsch im Hebelhaus (veröffentlicht am Mi, 24. September 2014 auf badische-zeitung.de)

Muettersproch-Obe
18.09.2014

Wie immer hät d Gertrud Oettle s Hebelhüüsli passend zu de Autorin gschmückt, des Mol mit Schwyzer Fähnli. S hät sogar Basler Leckerli gä. Basel, de Rhi un de Basilisk sin deno au s Hauptthema vo de Hilda Jauslin gsi, bsinnlich, nochdenklich un mengmol au e weng spitzbüebisch hät si die drei Theme verchnüpft.



Vorschau
am 18.9.2014 list d Hilda Jauslin vo Basel eigeni Gedicht un Gschichte. Si veröffentlicht vo ihre Text in de Heftli "Literaturkurve" un "offene Szene Literatur" un hät u. a. eigeni Büechli wie z. B.
„Baseldütschi Gidicht und Gschichte“, „z Basel a mim Rhy“ un „Basel, d Fasnacht und dr Rhy“ Si isch bim Rollwagen-Wettbewerb scho zwei Mol unter de Preisträgerinne gsi.


Die Heimat im Herzen bewahrt (veröffentlicht am Fr, 25. Juli 2014 auf badische-zeitung.de)

Muettersproch-Obe
17.07.2014

Vo de Abstammig her isch de Erhard Zeh en Franke. Er isch im Chandertal un z Mülle in d Schuel gange un hät z Lörrach studiert. Als Lehrer hät er z Säckinge, z Wehr, z Rhifelde un z Haltige gschafft. So hät er fascht alli Klangfarbe vom Alemannische chenneglehrt. Wegedem sait er vo sich, si Alemannisch sei Beamtealemannisch. Mit de Lieder vom Roland Hofmaier, em Frank Dietsche un em Uli Führe hät er uns uf e Reis durch s Markgräflerland über de Zoll z Stette bis ins Wiesetal mitgnoh. S isch wieder en schöne, gmüetliche Obe im guet besetzte Hebelhuus gsi.


Vorschau

Für de nöchschti Muettersproch-Obe am 17.7.2014 hän mir de Erhard Zeh us Haltinge iglade. Er wird u. a. Lieder vom viil z früeh verstorbene Roland Hofmaier un em Frank Dietsche un em Uli Führe singe. De Erhard Zeh spielt Gittare, isch Chorleiter un singt au selber ime Chor. Er wird de Obe selber moderiere un zwüsche de Lieder Gschichte verzelle.


"Mir Alemanne können eine Sprache mehr" (veröffentlicht am Fr, 04. Juli 2014 auf badische-zeitung.de)

Muettersproch-Obe
26.06.2014

Trotz Dütschland-Spiel bi de WM sin mir e netti Gruppe gsi, wo en luschtige  Obe mit de Margot Müller verbrocht hän. Ob bi de Gschicht, wo ihre Vatter im Elsass di igebildeti Verkäuferi mit de Frog noch Wickelgamasche für de Kanarievogel us de Reserve glockt hät oder bi de Gschicht vo de Wiikönigin, mir hän selte so herzlich glacht. Mer chas gar nit verzelle, wie schön s gsi isch, mer muess es selber ghört ha.



Vorschau

Am nöchschte Muettersproch-Obe, am 26.06.2014 chunnt d Margot Müller us Offeburg ins Hebelhüüsli. D Margot liest regelmäßig bim literarische Café z Achern. Ihri Andekdote, wo si nit nur liest sondern au mit ganzem Körperisatz spielt, handle vo Erfahrige mit unsere Nochbere us em Elsass, alltägliche Beobachtige un vo verschiedene missliche Situatione. D Margot isch vo de Gruppe Offeburg d Gruppeleiteri un hät bim Lahrer Mundart Literatur Priis de 1. Platz gmacht. Mir fange, wie üblich, am halber Achti a, mache aber am Achti e Paus demit au die, wo no s Länderspiel luege wänn, nochcho chönne.


Auch Plattdeutsch ist "Muettersproch" (veröffentlicht am Di, 20. Mai 2014 auf badische-zeitung.de)
Gruppe-Obe 
15.05.2014

D Nicole Keilbach-Schmittel, d Maria Böhme un d Sabine Wuchner hän en Chorb voll Vermischtis debi gha. S git wieder einigis Neuis vo de Nicole Keilbach-Schmittel. Bsinnlichi churzi Gedicht vo de Nicole Keilbach-Schmittel hän sich mit heitere Lieder, wo die drei Fraue gsunge hän, abgwechslet. 




Vorschau


am 15.5. chunnt d Nicole Keilbach-Schmittel zämme mit de Maria Böhme un de Sabine Wuchner zu uns ins Hebelhüüsli. D Nicole Keilbach-Schmittel wird uns vo ihre eigene Gedicht un Gschichte lese un mit de beide andere Fraue Lieder singe.
Im Johr 2003 un 2006 isch Nicole Keilbach-Schmittel unter de Priisträger bim Gerhard Jung Wettbewerb gsi un 2012 isch ihre erschtis Büechli „de schöfliwulken en schupf“ usecho.

Erinnerung an einen großen Muettersprochler (veröffentlicht am Mo, 28. April 2014 auf badische-zeitung.de)

Gruppe-Obe
2404.2014

S Interesse am Erinnerigsobe für de Walter Olschowka isch groß gsi. Mir hän alli verfüegbare Stüehl brucht. D Herta Olschowka hät en iidrucksvolle Überblick über s Schaffe un Wirke vom Walter Olschowka, nit nur für d Muettersproch-Gsellschaft, gä. Er hät Theaterstückli gschriebe, Versli für d Fasnacht verfasst, sich e Huffe Arbet mit e me Wörterbuech gmacht, wo mer über d Huusemer Website aluege cha. Bi viile sin Erinnerige an die eige Jugendzit wach worde, wo si Usschnitt us sim letschte Werk, wo er über di letschte Chriegstag un über d Besatzigszit gschriebe gha hät, vorglese hät. 


Vorschau

De nöchschti Muettersproch-Obe am 24.4.2014 setzt unsi Reihe vo Erinnerungsobe an verstorbeni Autore furt un isch im Walter Olschowka gwidmet. De Walter isch viili Johr Gruppeleiter vo unsere Gruppe gsi. Er hät zahlriichi Theaterstückli gschriebe, wo an de Hebelobe ufgführt worde sin. D Herta Olschowka würd an dem Obe us sim Lebe berichte un us sim Schaffe vorlese.

Eine Muttersprachlerin mit Herz (veröffentlicht am Di, 08. April 2014 auf badische-zeitung.de)

Muettersproch-Obe
20.03.2014

D Erna Jansen hät d Muetterspröchler mit ernschte, bschauliche aber au richtig luschtige Gedicht un Gschichtli unterhalte. So hät si au ufglöst was mer mache muess, wenn sich e Chueh in Huusgang verlauft un nümmi hinderschi oder fürschi will. Wie des goht? Des cha mer nur vo ihre selber erfahre




Des Johr hät mer sogar uf de Leipziger Buechmess Alemannisch chönne höre.

"Viele fragende Gesichter" (veröffentlicht am Mi, 19. März 2014 auf badische-zeitung.de)


Vorschau
am 20.3.2014 chunnt d Erna Jansen us Todtmoos. Gedicht vo de Erna Jansen sin in viile Zittige, Zittschrifte z lese un au scho im Radio z höre gsi. Ihri Büechli „E Chrömli us em Schwarzwald“ un „Söömli für Söömli us em Schwarzwald“ hän e großi Leserschar begeischteret.

Lebendige Muettersproch (veröffentlicht am Do, 27. Februar 2014 auf badische-zeitung.de)


Muettersproch-Obe
20.02.2014

De offizielli Teil vo de Mitgliederversammlig isch in gwohnt churzer Zit erledigt gsi. Noch de Bericht vo de Gruppeleiteri un de Kassireri hät de Karlheinz Vogt als Wahlleiter d Wahle durchgführt. S hän sich alli Vorstandsmitglieder zur Wiederwahl ufstelle lo un sin au ohni Gegestimm oder Enthaltige wieder gewählt worde. Vom Wahlleiter un vo de Kasseprüfer häts für di ganz Vorstandschaft no e groß Lob geh. S isch http://www.verlagshaus-jaumann.de/inhalt.hausen-im-wiesental-das-ganze-jahr-ueber-sehr-aktiv-gewesen.86f1576e-5983-4bf0-b17e-2568f04e1e52.html deno no viil Zit gsi zum Sprüch fürs nöchschti Heftli sammle un                                                    vorläse.
S Bild hät de Heiner Fabry gmacht.


Vorschau
Am 20.02.2014 hän mir unsi Johresversammlig mit Wahle. De offizielli Teil goht bi uns normalerwiis recht schnell. Was mer denoch mache, gän mer Afang Februar bekannt.
http://www.verlagshaus-jaumann.de/inhalt.hausen-im-wiesental-das-ganze-jahr-ueber-sehr-aktiv-gewesen.86f1576e-5983-4bf0-b17e-2568f04e1e52.html
http://www.verlagshaus-jaumann.de/inhalt.hausen-im-wiesental-das-ganze-jahr-ueber-sehr-aktiv-gewesen.86f1576e-5983-4bf0-b17e-2568f04e1e52.html http://www.verlagshaus-jaumann.de/inhalt.hausen-im-wiesental-das-ganze-jahr-ueber-sehr-aktiv-gewesen.86f1576e-5983-4bf0-b17e-2568f04e1e52.html
Comments